എവറസ്റ്റിന്റെ ഉയരം കുറഞ്ഞുവേ?....വീണ്ടും അളക്കുമെന്നു ശാസ്ത്രജ്ഞർ

 

എവറസ്റ്റിന്റെ ഉയരം വീണ്ടും അളക്കുമെന്നു ശാസ്ത്രജ്ഞർ. രണ്ടുവർഷം മുമ്പുണ്ടായ നേപ്പാളിലെ ഭൂകമ്പത്തിൽ ഭൂഗർഭപാലികളുടെ സ്ഥാനചലനം മൂലം ലോകത്തിലെ ഏറ്റവും ഉയരം കൂടിയ കൊടുമുടിയായ എവറസ്റ്റ് താഴേക്കിരുന്നതായി ഒരു വിഭാഗം ശാസ്ത്രജ്ഞന്മാർ സംശയം ഉന്നയിച്ചതിനെ തുടർന്നാണിത്.

സർവ്വേ ഓഫ് ഇന്ത്യയുടെ കണക്ക് പ്രകാരം 29,028 അടിയാണ് എവറസ്റ്റിന്റെ ഉയരം. ഇതു കൃത്യമായ കണക്കാണ്. വീണ്ടും ഉയരം അളക്കുന്നത് ഭൂഗർഭപാലികളുടെ ചലനം അടക്കമുള്ള ശാസ്ത്രഗവേഷണങ്ങൾക്ക്കൂടി സഹായകരമാകുമെന്നതിനാലാണെന്ന് സർവേയർ ജനറൽ സ്വർണ ശുഭ റാവു പറഞ്ഞു.
ഇതിനായി സർവേ ഓഫ് ഇന്ത്യ വിദഗ്ധ സംഘത്തെ അയക്കും. ഒന്നരമാസം കൊണ്ട് ഉയരമളക്കൽ നടപടി പൂർത്തീകരിക്കാനാകുമെന്നാണ് പ്രതീക്ഷ.

(സോഴ്സ് : അന്വേഷണം. കോം 25.1.2017)